திறமாக முறையின்ன சொல்லக் கேளு
திருமால் தன் மூலியிலே மூலம் வாங்கித்
திறமாக ஓடுகின்ற செலத்தில் நின்று
தேவிதனை நினைத்துக் கொண்டு வேருரைத்துத்
திறமாக கொண்டு போய் கண்ணும் நெற்றி
சேந்தக்கரம் புறமுகம் தேய்த்துக்கொண்டு
திறமாக பார்த்திடவே விஷ்ணுலோகச்
சேதியெல்லாம் வகைவகையாய் செப்புவாரே
-கருவூரார் பலத்திரட்டு
பொருள்:
விஷ்ணு கிரந்தியின் வேரை எடுத்து ஓடுகின்ற தண்ணீரில் நின்று அஞ்சனா தேவியை நினைத்து விஷ்ணுகிரந்தியின் வேரை உரைத்து, கண்,நெற்றி,கைகள்,முகம் முதலியவற்றில் தேய்த்து கொண்டு பார்க்க விஷ்ணுலோக செய்திகளை அங்கு நடப்பவைகளை எல்லாம் தெளிவாக காணலாகும்.
பகிர்வில் ர.சடகோபால்.BA
